មនុស្សភាគច្រើនមានរន្ធញើសធំៗលើស្បែកមុខ ហើយពួកគេបានប្រើម្សៅផាត់ដើម្បីបិទបាំងរន្ធញើសធំៗទាំងនោះ។ តើលោកអ្នកចង់បានរន្ធញើសតូចល្អិត និងម៉ដ្ឋខៃដូចធម្មជាតិ? អនុវត្តតាមវិធីខាងក្រោមនេះ លោកអ្នកនឹងមិនចាំបាច់រវល់ផាត់ម្សៅបិទបាំងទៀតឡើយ។
១. ប៉េងប៉ោះ
- កិនប៉េងប៉ោះឱ្យទៅជាប៉ិៗ
- យកវាមកបិតលើមុខ ទុកចោល ១៥ នាទី
- លាងសម្អាតជាមួយទឹកត្រជាក់
វិធីសាស្ត្រនេះជួយឱ្យស្បែកមុខមានសំណើម ប្រឆាំងរ៉ាឌីកាល់សេរី ដែលធ្វើឱ្យស្បែកឆាប់ចាស់ និងជួយឱ្យស្បែករក្សាបានក្មេងជាងវ័យ។ ទឹកប៉េងប៉ោះក៏ជួយព្យាបាលមុន ផ្ចិតរន្ធញើស និងបន្តឹងស្បែកផងដែរ។
២. ស្អំទឹកកក
- យកក្រណាត់រុំទឹកកមួយដុំ
- ជូតលើមុខស្រាលៗ
- ជូតពេលរាល់ពេលព្រឹក និងមុនពេលចូលគេង រយៈពេល ១៥ ទៅ ៣០ នាទី។
៣. ក្រូចឆ្មា
- លាយទឹកក្រូចឆ្មា ១ ស្លាបព្រាបាយ និង ម្សៅ Baking Soda ២ ស្លាបព្រាបាយ
- យកវាមកបិតលើមុខ ទុកចោល ១៥ នាទី សឹមលាងជាមួយទឹកត្រជាក់
វានឹងជួយកម្ចាត់កោសិកាងាប់លើស្បែកមុខ និងផលិតកោសិកាថ្មី ហើយជួយបន្តឹងនិងផ្ចិតរន្ធញើសផងដែរ។
៤. ទឹកឃ្មុំ
- លាយទឹកឃ្មុំ ១ ស្លាបព្រាកាហ្វេ ជាមួយយ៉ាអួ ២ ស្លាបព្រាបាយ
- រួចហើយយកវាមកបិតមុខទុកចោល ១៥ នាទី
ទឹកឃ្មុំមានប្រសិទ្ធភាពជួយកម្ចាត់ស្នាមជ្រួញ និងជួយផ្ចិតរន្ធញើសយ៉ាងពូកែ៕
Comments
Post a Comment